Araw araw, lagi mong maririnig ang mga taong nasa paligid mo. Kapamilya mo, kaibigan mo, kaaway mo, kasintahan mo, kakilala mo, at syempre mga di mo din kilala. Batian, asaran, seryosong usapan at seryosong gaguhan. Pero minsan, kelangan mong pakinggan ang sarili mo, lalo na sa mga pagkakataong hindi na maganda ang sinasabi nila sayo.
Dati, masyado akong apektado pag sinasabihan ako ng mga di magagandang bagay. "Wala kang kwenta," "wala akong tiwala sayo," "hindi ka karapat dapat", mga example lang yan ng mga pinakanakakainis pakinggan. Lalong lalo na pag sinasabi nilang hindi mo kaya o wala ka ng pagasa.
Ang unang reaksyon ko diyan dati, "hindi ko kaya?okay". Oo tinatanggap ko at ninanamnam at pinapakita ko pa na talagang hindi. Kasi, talaga namang nakakapanghina ng loob pag sinabihan ka nun lalo na pag matalik mong kaibigan o kaya e kapamilya mo pa ang nagsabi.
Pero ngayon, natuto na akong maging bingi sa mga ganitong bagay. Naririnig ko sila, pero hanggang dun lang. Naririnig ko lang. Saka ko lang kasi nalaman na hangga't hindi tama ang sinasabi nila, hindi mo naman kelangang damdamin. Intindihin mo, pero wag mo nang damdamin.
0 comments:
Post a Comment